నా ఆలోచనలు ఎన్నో యోజనాలు పయనించి
తమలోతామే సుధీర్ఘంగా చర్చించుకుంటాయి...
స్వార్థసంకుచితాలు ఒకవైపు, సహాయసహకారాలు మరోవైపు
తర్జనభర్జనల నడుమ మానవత్వం ఆచరణాయోగ్యమై
మలినమంటని మనసు తర్కం అనవసరమని రాజీపడుతుంది!
నా వివేకం నైతిక మూలాల్లేని విలువల్ని ఏరిపారేసి
కొత్త దృక్కోణంలో తమనితామే ప్రశ్నించుకుంటాయి...
కళ్ళతో చూసినదే యదార్ధమని, చెప్పిన మాటలు వినక
వేదహిత సద్గతిలో సాగే సాధనే జీవనపయన మార్గమని
తాను నమ్మిన సిద్ధాంతాలు ఎంత కష్టతరమైనా ఊడిగం చేస్తుంది!
అదేనేమో నన్ను ఆకాశమంత ఎత్తుకు ఎగురవేసిన నా వ్యక్తిత్వం
అందరికీ నచ్చనిది ఆ తత్వం...అయినా అదే నా అస్తిత్వం!!!
No comments:
Post a Comment