జీవితం అలసిపోతుందిప్పుడు!!

జీవితం ఇప్పుడు క్రమంగా అలసిపోవడం మొదలెట్టింది..

అందరూ ఏదో విధంగా మార్పు చెందుతున్నారు..

పొట్టపెరిగి బట్టతలవచ్చి జుట్టునెరసి ఉన్నారు..

కొందరు ఫిట్నెస్ కోసం ప్రాకులాడుతుంటే

మరికొందరు ఉండి మాత్రం చేసేది ఏంటి అనుకుంటున్నారు..

ఏది ఏమైనా అందరిలోనూ ఏదోక మార్పు..

బరువు భాద్యతలతో కొందరు ఏమీ లేక మరికొందరు బెంగపడుతున్నారు..

బీపీ షుగర్ కీళ్ళనొప్పులు చూపు మందగించి బాధగున్నారు..

చెప్పి కొందరు చెప్పక మరి కొందరు కాలం గడుపుతున్నారు..

ఏదోలా అందరి వయసు పెరుగుతుంటే కాలం తరుగుతుంది..

మొత్తానికి సమయం సాగుతూ జీవితం అలసిపోతుంది!!!