!!నిర్జీవిని!!

ఎన్నో సమస్యలకు పరిష్కారం చూపిన
నాపైన ఇప్పుడు అన్నీ నేరారోపణలే..
ఎందుకంటే నేను నిస్సహాయురాలినిగా

ఒంటరిగా ఎవ్వరికీ ఏమీ చెప్పకుండా
నాకు నేను ధైర్యంగా బ్రతికినన్నాళ్ళూ..
ఎంతో గొప్ప వ్యక్తిత్వం నిండిన దాన్నిగా

అడిగిన వెంటనే కాదనక అన్నీ చేసిన
నేను ఇప్పుడు అక్కరకు రాకున్నాలే..
ఎవరైనా అవసరం తీరినాక అంతేనటగా

శారీరక రోగానికి చికిత్స చేయించుకుని
మానసిక వ్యధ తోడుకావాలని కోరితే..
ఎందుకని అందరూ ప్రశ్నలు అడిగేరుగా

మెల్లగా శక్తిసామర్ధ్యాలన్నీ సమాధి అయ్యి
నాలో ఇప్పుడు మిగిలినవన్నీ తప్పులే..
ఎలాగో మానసికంగా చచ్చి నవ్వుతున్నాగా!