Thursday, July 11, 2019

నా జీవిత అల


నా జీవిత సాగరపు అలలు
కొన్ని మిమ్ము తాకాలని చేసిన
చిన్ని వీడియో ప్రయత్నం...

Thursday, July 4, 2019

!!మరోమారు జీవిస్తాను!!

పదవీ విరమణ తరువాత జ్ఞాపకాల్లో బ్రతుకుతూ కాలాన్ని మళ్ళీ తిరగేస్తూ కొన్ని అనుభూతులని ఒకటికి రెండుసార్లు తలుచుకోవాలి అనుకుంటాను పసిపిల్లలా మారి పరుగులు తీయాలనుకుంటాను నాగరిక నడకలో నన్నునేను పరిగెత్తించాలని కాదు నా పరుగు చూసి అమ్మ నవ్వి మురిసిపోవాలని! పాఠశాలకు యూనిఫారంలో మరోమారు వెళతాను చదువులన్నీ చదివి ఏదో వెలగబెట్టేయాలని కాదు స్కూల్ ఫ్రెండ్సుని పలుకరించి అల్లరి చేసెయ్యాలని! కొత్తగా జాబ్లో చేరి కొలీగ్స్ ని కలవాలనుకుంటాను పని తక్కువ కబుర్లెక్కువా చెప్పుకోవచ్చని కాదు మొదటి నెల జీతం తీసుకున్న ఆనందంపొందాలని! మరోసారి పెళ్ళిచేసుకుంటే బాగుంటుందనుకుంటాను కంగారు పడకండి భాగస్వామిని మార్చాలని కాదు పెళ్ళి సంబరాలు మరింత ఘనంగా చేసుకోవాలని! పెళ్ళైన నా పాప మళ్ళీ పసిపిల్లైపోవాలనుకుంటాను తొందరగా ఎదిగి పెళ్ళితో దూరమైపోయిందని కాదు మరింత సమయాన్ని పిల్లల కోసం కేటాయించాలని! బ్రతకడానికి మరికొంత సమయం కావాలనుకుంటాను జీవితంలో సంపాధించి ఇంకేదో ఉద్దరించేద్దామని కాదు ఇతరులకు నేనేదో విధంగా కొంతైనా సహాయపడాలని! ఎన్ననుకుని ఏం లాభం..? గడిచిన కాలం తిరిగిరాదు అందుకే ఈ క్షణం మనదనుకుని సంపూర్ణంగా జీవిద్దాం!

Sunday, June 30, 2019

రాలే పువ్వుదీ రాగం


రాలే పువ్వుదీ రాగం
అర్థం చేసుకునే వారికోసం
నాలుగు వాక్యాలు చదివి..
రెండు నిముషాలు కేటాయించి
పాట కూడా వినండి నాకోసం!! 

Tuesday, June 25, 2019

!!మనవారు!!

మన అనుకున్నవారు మనల్ని మోసగించినప్పుడు
శత్రువులే మెల్లగా మిత్రులైపోతారు నేస్తం..
మిత్రులంటే కష్టకాలంలో మనతో ఉండాలి
సంతోష సమయంలో మనవాళ్ళు ఏమిటి!? 
కొజ్జాలు కూడా ఇంటి ముందుకు వచ్చి నర్తిస్తారు
ఒకప్పుడు మనిషి చస్తే ఆత్మలు తిరుగుతుండేవి
ఇప్పుడు ఆత్మల్ని చంపుకుని మనుషులు బ్రతికేస్తున్నారు   

Tuesday, June 18, 2019

ఈ జీవితం

ఓ ప్రియమైన అప్పటి నా మనోధైర్యమా 
నువ్వూ నీతోపాటుగా ఆ గుండెనిబ్బరం
దేన్నైనా కష్టపడి సాధించగలననే ధీమా
మీరు మరోసారి నాలోకి చొరపడండి   
వేలకోరికల నిఘంటువు…నా ఈ జీవితం
ప్రతీకోరికా తీరాలని చేసా విశ్వప్రయత్నం
ఆశయం అవమానంతో ముడిపడలేక తెగి
చావుకీ బ్రతుక్కూ తేడా తెలియక జీవిస్తూ
జరిగింది మరచి జరిగేదంతా మంచని తలచి
నవ్వుతూ నవ్విస్తూ బ్రతికేయాలనుకుంటున్నా!