Wednesday, August 16, 2017

!!కాలమహిమ!!

సింహము గాయపడిందని గర్జించడం మాని గాభరాపడితే 
ఎలుక కూడా దానిపై ఎగిరెగిపడి గెంతుతూ ఆటపట్టించేను..
కుక్కలేమో దాని పనైయ్యిందని మొరిగేను!
ఎవరికి తెలిసినా తెలియక పోయినా
ఇదంతా కాలమహిమని సింహానికి తెలుసును
కలసిరాని కాలంతో చేతులుకలిపి సన్నిహితులే శత్రువులైనా
ఉచ్చులెన్నో వేసి చిక్కుల్లోపడేసి గాయపరచినా
సింహము చిన్నబోయేనా...
ఆకలి వేసిందని గడ్డి తినునా!?
అప్రమత్తంతో ఆలోచించి పరిస్థితుల్ని పల్టీ కొట్టించి..
మరల సింహగర్జనతో చిందులేయకపోవునా!!

Wednesday, August 9, 2017

!!చివరికి!!

ఎవరి జీవితపు ఉయ్యాలని వారే ఎక్కి ఊగాలి
ఎవరో వచ్చి ఎక్కించి ఊపుతారు అనుకోవడం
అవివేకమే కాదు అనాలోచితం అనుకుంటాను!

శూన్యంగా ఉన్న ఆకాశాన్ని చూసి ఆలోచించు
వీలైతే అంత ఎత్తుకి ఎగిరే ప్రయత్నం కావించు 
ఎత్తుని చూసి భయపడ్డం మూర్ఖత్వం అంటాను!  

సుఖదుఃఖాలు ఆటుపోట్లలా వచ్చి పోతుంటాయి 
క్షణకాలం మేఘంలా వచ్చి ఉరిమి భయపెట్టినా
తుదకు తడిసి తడిమే జ్ఞాపకాలుగా మిగులును!