జీవితమా..నీవు కన్నీరుగా మారి ప్రవహిస్తున్నావు
మేము నవ్వుతూ జీవించాలని ప్రయత్నిస్తున్నాము
కళ్ళజోడులో నుండి లోకాన్ని మా రీతిలో చూస్తూ
మాకు అనుకూలంగా అమరితే ఓహో అనుకుని..
అమరకుంటే వ్యర్థమని అవతల విసిరివేస్తున్నాము!
మేము అనుభవించని బాధ ఎదుటి వారికి కలిగితే
వ్యధలతో బాధపడుతున్న వారిని నిర్ధారిస్తున్నాము!
నిజం చెబితే ఉన్న బంధాలు విచ్ఛిన్నం అవుతాయని
అబద్ధాలు చెప్పి మానుంచి మేమే దూరమౌతున్నాము!
నిన్న ఎదుటి వారిని చూసి ఈర్ష్యపడి దూరంగా జరిగి
నేడు మా గుండెకు మేమే లంచమిచ్చి బంధీలైనాము!
