ఎంతో కష్టమీద కాలం గడిచిపోయింది
నా వయసు ఎందుకులే అడుగుతావు?
అనుకుని ఆలోచించిన వాటికన్నా..
ఎక్కువే నేర్పాయి నా అనుభవపాఠాలు
నా తప్పులు ఏంటని ఎందుకడుతావు?
ప్రేమించి ప్రేమను పొందాలనుకున్నా..
అవసరానికి తగ్గట్లు అదీ మారిపోయింది
నా ద్వేషానికి కారణమేం అడుగుతావు?
బాధ భరించలేక బంధం కోరుకున్నా..
వ్యధను చెప్పుకుని చివరికి విసిగిపోయా
ఇప్పుడు ఇంకేం మిగిలిందని అడుగుతావు?
