!!శిక్ష!!

కోరికల ఘర్షణలో మదిపడే సంఘర్షణ

మంచీ చెడులను తూకం వేసుకుంటూ 

జీవితాంభుధి అలల్లో కొట్టుమిట్టాడుతూ 

నన్ను నేను కాపాడుకునే ప్రక్రియలో 

నా కర్మలపై సంగ్రామం చేయడం రాక

నాకు నేనే వేసుకోవాలనుకున్న శిక్ష.. 

జీవితం బాధల ఊబని తెలిసి కూడా  

నా అనుకున్నవారు పరాయని తెలిసినా  

అన్నీ నేనై ఉండాలని తాపత్రయ పడ్డం

మమకారం పెంచేసుకుని పెనుగులాడ్డం 

ఏం కానని తెలిసినా ఏదో ఆశ చావక 

అల్లుకున్న బంధాన్ని హత్య చేయలేక

నన్నునే వెలేసుకుని విధించుకున్న శిక్ష!