!!నిచ్చెనెక్కి!!

ప్రేమను పంచితే ప్రేమే దక్కుతుందని నమ్మి

లోకానికి లెక్కలేనన్ని లవ్ లెటర్స్ రాసాను 

ధ్వేషాన్ని కూడా ప్రేమతో జయించవచ్చునని 

ఓడిపోయిన ప్రతీసారి ఓటమినే ప్రేమించాను!  

ఎగిరితే ఎగిరాను ఎప్పుడైనా ఎగిరిపోయేదేనని

ఎదుటివారి ఎదలో ఒదిగి ఉండాలనుకున్నాను

ఊతమిచ్చి ఊరడించాననుకుని ఊహించుకుని

నమ్మి బొక్కబోర్లాపడి బొడిపికట్టించుకున్నాను!

సిద్ధాంతాల నిచ్చెనెక్కి నిటారుగా నిలబడాలని

చేసిన సహాయాలు అన్నీ చిత్తశుద్ధితో చేసాను

అవసరానికి హారతులుపట్టి ఆపై ఆర్పివేస్తారని

తెలిసినా కూడా తెలియనట్లుగా నటిస్తున్నాను!