!!నువ్వే ప్రత్యేకం!!

నీలో దాగున్న శక్తిని నువ్వే తెలుసుకోవాలి
నీ లోపాలు తెలుపడానికి జనం ఉన్నారుగా

ఆశయాలను కలలను ఎత్తుగా ఊహించుకో
అవమానించి క్రిందకు లాగే లోకులున్నారుగా

జీవితం సాగాలంటే అడుగు ముందుకువేయి
వెనక్కి లాగడానికి బోలెడుమంది ఉన్నారుగా

నీ అభిరుచికి అనువైన ఆజ్యం నువ్వే పోసుకో
నిన్ను రగిలించి మండించ ప్రజలు ఉన్నారుగా

ఉండాలి అనుకుంటే మధురజ్ఞాపకమై మిగిలిపో
నిందలేసి పుకారుపుట్టించే మానవులున్నారుగా

ప్రేమించాలనుకుంటే నిన్ను నువ్వు ప్రేమించుకో
ద్వేషించడానికి దునియా మొత్తం వేచిఉన్నదిగా

నిన్ను నువ్వు నమ్ముకుని ఏదైనా సాధించుకో
సందేహించి నిరుత్సాహ పరిచే వ్యక్తులున్నారుగా

ప్రత్యేకమైన గుర్తింపు సృష్టించుకుని అలాసాగిపో
మందలా ముందుకు సాగిపోయే గుంపు ఉందిగా