!!మొక్కుబడి!!

రోజూ కాకపోయినా
అప్పుడప్పుడూ  గుడికి వెళ్ళి
స్వలాభమే ఆశించి దణ్ణం పెట్టి
కోరికల జాబితాలోని కొన్ని అడిగి
మరికొన్ని తీర్చమంటాను...
మూగ మూర్తి ముందు మోకరిల్లి
నాలో నేనే ఏవేవో అనుకుని మ్రొక్కి
ఆర్జీ పెట్టిన కోర్కెల మంజూరి కై
మొక్కుబడుల లంచం ఎరవేస్తాను...
ఇన్ని వేషాలు వేసినా
రాతి విగ్రహం తొణకదూ బెణకదూ
నిశ్చలంగా నన్నే చూసి నవ్వుతూ
కొన్నిసార్లు క్రోధంగా చూస్తూ
తరచూ నేనడిగే ప్రశ్నలు వింటూ
అవును అనదు కాదని ఖండించదు...
అంత అడగకూడని, కాని కోరికలు
ఏం కోరుకుంటున్నానో నాకు అర్థం కాదు!