జీవించడంలో కొద్దిగా అలసట చెందాను
అందుకే దూరంగా వెళ్ళడానికి ఆలోచిస్తున్నా
అంతేకాని నడక మానేయలేదు సుమా!
తరచూ సంబంధాలు దూరాన్ని పెంచాయి
అలాగని అనుబంధాలు వదులుకోలేదు సుమా!
లౌక్యం తెలీక అప్పుడప్పుడు ఒంటరినయ్యాను
అదే అవకాశమంటూ ఆత్మవిశ్వాన్ని కోల్పోయి
అదును చూసి నా వ్యక్తిత్వాన్ని వీడలేదు సుమా!
నా అనుకున్న వారందరినీ మనసున తలచి
వీలైనంత మంచిచేసి మన్నన పొందక పోయినా
అలా సహాయపడి చేసిందెవరికీ చెప్పను సుమా!
No comments:
Post a Comment