!!ఎవ్వరూ రారు!!

తలుపులు బార్లా తీసి ఉంచినా లోపలికి ఎవ్వరూ రారు

వెన్నెల విరబూసున్నా జాబిలిని ఎవ్వరూ పలుకరించరు

ఇప్పుడు పూలవాసన్ని ఆకులూ ముళ్ళే పీలుస్తున్నాయి

పక్షుల కుహకుహలు కూడా రోదనలుగా వినిపిస్తున్నాయి

ఈ నమ్మశక్యం కాని నిజమైనా చూడ్డానికి ఎవ్వరూలేరు!

కష్టాల్లో హితులు పలుకరించడానికి రావాలనున్నా రాలేరు

కడుపున పుట్టిన వారిని అయినా సరే ముట్టుకోవద్దంటారు     

భ్రమరాలు సైతం పువ్వులలో తేనె ఝుర్ర ఆలోచిస్తున్నాయి

సీతాకోకచిలుకల రెక్కలు కూడా ఎగురలేక అతుక్కున్నాయి

ఈ విపత్కర పరిస్థితుల్లో నాలుగ్గోడలే స్వర్గం అంటున్నారు!

ఒంటరిగా అరచి గోలచేసినా వినడానిక్కూడా ఎవ్వరూ లేరు   

కరోనా సోకిన రోగి శవంపై దుప్పటి కూడా ఎవ్వరు కప్పరు

అందుకే గుంపుగా ఉండొద్దు దూరాన్ని పాటిద్దాం అంటున్నది

అత్యవసరం అనుకుంటే తప్ప ఇంటిపట్టునే ఉండమంటున్నది

ఈ మహమ్మారికి ఇంతకు మించిన పరిష్కారము లేకున్నది!