నిద్రలో నాకు జాగ్రత్తగా స్నానం చేయించారు
ఇంట్లో అందరూ ఏదో కొత్త ఆట ఆడుతున్నారు
చిన్నవాళ్ళని భుజాలపై ఎత్తుకున్నట్లు నన్నెత్తి
అటూ ఇటూ తిప్పి కదలకుండా నన్ను కట్టారు
నా చుట్టు గుమ్మిగూడి ఏవో మాట్లాడుతున్నారు
ఏడుస్తూ మనసులో మరచిపోవాలనుకుంటున్నారు
ప్రేమగా ఎప్పుడూ నావైపు చూడని వారు కూడా
ప్రేమను చూపిస్తూ లోలోన తొందరపడుతున్నారు!
ఎందుకో ఏమో తెలియదు నిద్రిస్తున్న నన్ను చూసి
గట్టిగా అరుస్తూ ఏడుస్తూ నన్ను నిద్ర లేపుతున్నారు
హైరానా పడిపోతూ హడావిడిగా తిరుగుతున్నారు!!
నా శరీరం ఎందుకో బిగుసుకుంది ఆ స్థలం చూసి
ఎక్కడైతే నన్ను శాశ్వితంగా పడుకోబెట్టనున్నారో!
ప్రేమ అనుబంధాలకు పరీక్ష పెట్టారు కామోసు..
వారి చేతులతో నాకు నిప్పు పెట్టి వెనుకకు తిరిగి
చూడకుండా వెళ్ళిపోయారు, హమ్మయ్య ముగిసింది
ఇక రోజూ నిద్ర లేవాల్సిన పనిలేదు...గుడ్ బైయ్!!
మరణాన్ని కళ్ళకు కట్టినట్లుంది మీ ఈ నిద్ర.
ReplyDelete