!! సర్దుకునిపో!!

బాధలు ఎన్ని ఉన్నా..
నలుగురిలో నవ్వవలసిందే!

ఎలా ఉన్నావని అడిగితే..
బాగున్నామని చెప్పవలసిందే!

పరిస్థితులు మారిపోతుంటే..
తలవంచి మసలుకోవల్సిందే!

మన కలలు పలుమార్లు చస్తే..
కొత్తవాటికి ఊపిరి పోయాల్సిందే!

మనసులోని భావోద్వేకాలను..
మనలో అణచుకుని మగ్గవల్సిందే!

కారణాలు ఏవి అయితేనేమి..
మౌనంగా మనం ఉండవలసిందే!

ఇష్టం ఉన్నా లేకపోయినా..
కొందరిని మరచి బ్రతకవలసిందే!