Saturday, October 3, 2015

!!చెట్టేడ్చింది!!

చేతిలో గొడ్డలిని చూడగానే గుండె గొల్లుమంది 
నన్ను చూసి నా ప్రక్కనున్న చెట్టూ ఏడ్చింది 
చెట్లు లేక నరులకు నీడ, పక్షికి గూడూ ఏదని 
కరెంటు తీగపై కాకి అరిస్తే ప్రతీరెమ్మా ఏడ్చింది 
నేలకై నన్ను నరికితే మూర్ఖత్వం మూర్చిల్లింది! 
గాలిలేక అల్లాడే ప్రాణులని తలచి నింగీఏడ్చింది 
చెట్లులేని నేల సాంద్రత తగ్గిన విషపు మన్నంది 
ఆ మాట విని, ఎత్తెదిగిన వనమే కుప్ప కూలింది 
గలగలా పర్వతం నుండి పారి వచ్చిన జలపాతం 
నేను లేని చోట ఉండనని పారిపోతే ఏడ్పాగనంది! 
మనిషి మనుగడకై ప్రకృతి ప్రసాదించిన వృక్షాలని 
నరికి ప్లాట్లు ఫాట్లని పాడెలే కట్టబోతే ఊపిరాగింది!

2 comments:

  1. వృక్ష విలాపం బాగుంది.

    ReplyDelete
  2. వన్య సంరక్షణ బాగుంది

    ReplyDelete