!!నా తోడు!!

నా ఉనికిని తెలిపే అస్తిత్వపు అద్దం
ఎందుకో తెలియకుండా ముక్కలైపోయె
నలుగురిలో ఒంటరిగా నడుస్తుంటే
చుట్టూ లోకం ఎందుకో వింతగా తోచె
గాజువంటి మనసు ముక్కలై చెల్లాచెదురైతే
గుచ్చుకుంటాయన్న భయంతో తీయలేదు ఎవరూ..
నిజం చెబితే తెగిపోతాయి కొన్ని బంధాలు
అబద్ధమాడితే నాకు నేనే తెలియకుండా విరిగిపోతాను!
ఇది యాధృచికం అనుకో వ్యధతో కూడిన నిజమనుకో
కంటనీరిడిన ప్రతీసారీ నా అనుకున్నవారే కారణమై
ఈ జీవితం అంతులేని వింతకధగా అనిపించె
కోరుకున్నవి అన్నీ చేయి జారిపోయాయి..
జనాన్ని నవ్వించాలని నవ్వుతున్నానే తప్ప
లేకపోతే లోకాన్ని నీట ముంచేంత కన్నీరు నాలో దాగుంది!
ఆశ ఏదైనా ఉందంటే అది కేవలం నా కన్నీటి పైనే
అవి నేను బాధపడితే ఖచ్చితంగా మద్దతునిస్తాయి..