!!సావాస దోషం!!

నేను చేస్తున్న వ్యాపారం ఏమిటని అడుగకు నేస్తం...

ప్రేమను అమ్మే దుకాణం తెరిచాను ధ్వేషమనే బజారులో  

ప్రేమను పంచినంత కాలం గంటలు క్షణాలుగా గడిచాయి

ప్రేమను ఆశించడం మొదలుపెట్టగానే క్షణమొక యుగమైంది!

జీవితం చాలా చౌకధరనే పలుకుతుంది చూడు నేస్తం...

కానీ జీవించడానికి ఎన్నుకున్న దారులే చాలా ఖరీదైనవి

దారులు ఎప్పుడూ వంకర పోకుండా తిన్నగానే ఉంటాయి

మలుపులు తిరిగి దారి మళ్ళిపోవడమే జీవితం అవుతుంది!   

    

నాకు నీకు ఉన్న సంబంధం ఏమిటని అడుగకు నేస్తం...

ఎన్నో నమ్మకాల పునాదిపై కట్టుకున్న బంధం నాది నీతో

కావలసింది ఏమిటో తెలియక తర్జన భర్జన పడుతున్నాయి  

ఈ బంధం చేతికి పెట్టుకునే గోరింట తలకు పెట్టుకున్నప్పుడైంది!

మలుపు తిరగవలసి సమయంలో తిరక తప్పదు నేస్తం...

దాన్ని దారితప్పడం అనుకోవడం మూర్ఖత్వం అనుకుంటాను

మనసుకి గాయంచేసి మన్నించమనే మందు పూస్తున్నాయి 

నిజాలు చెప్పడం మొదలుపెట్టినాక మౌనమే మాట్లాడుతుంది!