Saturday, June 23, 2018

!!ప్రార్ధన!!

బ్రతుకు యుద్ధంలో గెలవలేక ఓడిపోతూ
నవ్వులు పెదవిపై అద్దుకుని సర్దుకుపోతూ
రోజూ చీకట్లో కళ్ళు తెరచి వెలుగు చూస్తూ
కలల పడవను ఎక్కి ఊహల్లో పయనిస్తూ  
ఉనికిని వెతుక్కునే ఆరాటంలో కొట్టుకుపోతూ
ఏం సాధించి ఎంత కూడబెట్టుకున్నానో తెలీదు! 

కానీ...ఎప్పటికప్పుడు కలతలని కడిగేస్తూ
కలవరాలని కడతేర్చి బ్రతుక్కి ఊపిరిపోస్తూ 
కొత్త ఆశల్ని మనసులో నింపుకుని సాగుతూ
జీవితపు చివరి మజిలీ వరకూ నిరీక్షిస్తూ 
ఆనందాలు కొన్నైనా నన్ను హత్తుకుంటాయని 
అడక్కనే అన్నీ ఇచ్చే అతీతశక్తిని వేడుకుంటాను!

1 comment: