అసలైన పండుగ

ఏ పండుగ చూసినా ఏముంది..అంతా ఆర్టిఫిషల్ 

పలుకరింపుగా శుభాకాంక్షలంటూ మెసేజ్ పెట్టడం

ఒక వీడియోను ఫార్వాడ్ చేసి రిలాక్స్ అనుకోవడం     

ఒక సెలవు దొరికిందని ఉద్యోగస్తులు సంతోషపడడం

మనసు ప్రశాంతతను వీడ నిద్రనే మాత్రగా మ్రింగి

కలని ఆనందమని అందరూ అలా ఉండాలని కోరగా

ఉండలేమని అంతరంగం చేసే శబ్దాన్ని నిశ్శబ్దమని 

మనుషులు నవ్వడంరాక  ఏడ్చే ప్రయత్నంలో అలసి

డిగ్నిటీ అనే లేని గంభీరత్వాన్ని అరువు తెచ్చుకుని

అసలు రూపాన్ని మరచి యంత్రంగా మారువేషం దాల్చి 

ఒకర్ని మించి మరొకరు నటనలో అవార్డ్ కొట్టేస్తుంటే..

పండుగలు పబ్బాలతో అవసరం ఏముంది అనిపిస్తుంది

కలిసి మెలిసి కల్మషం లేకుండా కష్టపడి పనిచేసినరోజు 

ఏ దినమైనా..ప్రతి ఇంటా సంక్రాంతి సంబరమౌతుంది!