Wednesday, March 6, 2019

!!ముందుచూపు!!


మెకానికల్ మనుషుల మనసు కరిగించాలని
కంకణం కట్టుకుని కాలంతో పోటీపడి కుదరక
సర్దుబాటు కాని సమయంతో రాజీకి రాలేక..
కాలాన్ని అద్దెకు తీసుకుని ఆశల్ని బ్రతికిస్తున్నా!
  
ఆధునిక కలికాలంలో అధికవేగంతో పరిగెట్టాలని 
ప్రయత్నం ఎంతో చేసి అలసినా విసుగు చెందక 
తెగిన మదిని మమతల దారంతో ముడేయలేక..    
చమురు చేబదులు అడిగి లాంతరు వెలిగిస్తున్నా!

వాడి వెలిసిపోయిన నవ్వును చిగురింపజేయాలని 
బరువు బాధ్యతల్లో మునిగిన వారిని అడుగలేక    
యంత్రాలకు బానిసైన వారిని బంధించడం రాక..
త్వరగా తీసుకెళ్ళమని ఆయువుకి అర్జీపెట్టుకున్నా!

1 comment:

  1. జీవిత తాత్పర్యం తెలిపారు.

    ReplyDelete