!!కాలచిత్రం!!

దొర్లుకుంటూ పోతూనే ఉంది కాలం
దారిపొడవునా నేను వెతుకుతున్నా
గడిచిన కాలపు గుర్తులున్నాయని..
కనీసం జ్ఞాపకాల పాదముద్రల్లో
కొన్నైనా మిగిలుండక పోవునాయని..
ఏది ఎక్కడా కనపడనిదే!
అయినా వెళుతూ వెతుకుతూనే ఉన్నా..
ఒడిదుడుకుల రహదారుల్లో కనబడేనని
అరచేతిని ఆటుపోట్లకు అడ్డుగా పెట్టి
ఇసుకలో అద్దాల సౌధానికి పునాది తీసి
అందంగా అల్లిన జీవితపు చిత్రాన్ని గీసి
గోడకి ఆ చిత్రాన్ని తగిలించి..
అందులో మధురమైన జ్ఞాపకాల్ని చూస్తూ!