!!ముసలమ్మ!!

ఒక రంగువెలసి విరిగినగోడ
అదే అడ్డుగా గడిచిన బాల్యం

ఒక ఎండిన పొగడపూల చెట్టు
ఆ నీడలో ఎగిరిగెంతులేసిన గుర్తు

ఒక వడిలి రెక్కలు రాల్చిన పుష్పం
ఆ సువాసనాత్తరులే ఈ గుర్తింపులు

ఒక కాలు విరిగి కుంటుతున్న గుర్రం
అది నేర్పిందే జీవిత రేసులోని పరుగు

ఒక్కసారిగా కాక ఆగాగి వస్తున్న దగ్గు
ఆ దగ్గే వినిపించింది ఎన్నో జోలపాటలు

ఒకలయై వణుకుతున్న అలసిన శరీరం
ఆమే నేర్పింది అడుగులో అడుగేయడం

ఒకప్పుడు ఆమె దిద్దినవేకదా ఈ రూపులు
మరెందుకని ఆమెపైన ఇప్పుడింత నిర్లక్ష్యం