Friday, March 3, 2017

!!ఎంత బాగుండు!!

ఋతువు మారెనని గాలితెమ్మెర గాబరాపడె
పూల పుప్పడినేమో తుమ్మెద జుర్రున దోచె
జీవిత స్థితిగతులు మార గుండె గుబులాయె
ఈ వంకన నేను మారితే మరింత బాగుండునే!

వీధీ వాకిలి పాతదైనా కొత్తవెలుగు దానిపైపడె
చిలిపితనమేమో కుప్పిగెంతులు వేస్తూ ఎగిరె  
మదిరూపమే మారి అదృష్టం తలక్రిందులాయె
ఇలా సాకులతో నా స్థితి మారితే బాగుండునే!

ఆశయాలు ఆకారాన్ని మార్చేసి కుంటుపడె 
నవ్వడం మరచిన ముఖం కన్నీటితో తడిచె 
వలస పక్షులు వచ్చినట్లే వచ్చి పైకెగిరిపోయె
ఇదే అదునుగా నేను ఎగిరిపోతే బాగుండునే!

1 comment:

  1. నిగూఢ భావాన్ని అందించారు.

    ReplyDelete